عذب الكلام (ياما على شانك من البعد ونيت )

ياما على شانك مـن البعـد ونيـت
اخـاف لامـن غبـت ماتذكرينـي

ويامـا تذكرتـك ويامـا تمنـيـت
واخفيت ونات الشقا فـي ضنينـي

وافرح الى مِنك على البال مريـت
وترتاح نفسي لـك وبالـي حزينـي

ياصاحبي كل المشاعر لك اهديـت
تقبـل وتقفـي ثـم زادت حنيـنـي

عفت المنام وشتت الفكـر تشتيـت
مالوم عينـي لـو جفتنـي بحينـي

اخاف من قلبـي تجيـه التشاتيـت
واخاف من دخل الغـدر يحترينـي

واخـاف زلات القـدم لاتناسـيـت
واخاف من كثـر الغـلا تكرهينـي

واخاف من هـرج القفـا لاتماديـت
واخاف نظـرات الوهـم تحتوينـي

ومن كثر خوفي خفت وبالقلب خفيت
والخوف خفت ولالقيـت العوينـي

ترا الهواء ماله مرشـح وتصويـت
راسي على القمـه بحبـلاً متينـي

واكبر دليل بجرت القـاف والبيـت
يطلـع خفـا نبـرات قلبـاً دفينـي

ياما تجرعت المـراره ولا ابديـت
مثل البري اللـي يكـوا وسجينـي

ياصاحبي بيديك ارفق على الميـت
خل المواجـع بيـن قلبـي وعينـي

علي

صح لسانك وعلا شانك كلمات في غاية الروعه

تحياتي لك

ولسانك أختي الماسه

الله لا يحرمنا منك

مشكوره خيوه على الرد والأروع ردك

ألف تحيه وسلام لك أختي
Like a Star @ heaven