& ^^ قصيده ابكت من لايبكي &^

بسم الله الرحمن الرحيم

اقرءوا معي ما كتبه هذا الشاب المتهور الذي تعرض إلى حادث وكانت معه أمه فتوفيت وبقي هو على قيد الحياه وكتب هذة القصيدة المبكيه:

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني

أسال الله أن يغفر لها ولجميع موتى المسلمين

رسالة صغيرة إلى كل عاق لوالديه :

أن يراجع حساباته ويعود لهما ويبرهما فطاعة الوالدين مقرونة بطاعة الله ... ورضا الله من رضاهما

فعلا قصيدة مرموقه وحزينة قطعت قلبي

الله يكفينا من عقوق الوالدين

ويهدي شبابنا

فهنا نجد في هذه القصيده انه لا ينفع الندم\

لقد فات الاوان

أشكرك أخوي بوحسين

مجهود ملحوظ

لك كل التحايا

من أخوك علي

أخــوي

بوحسين

أشكـرك علـى الموضـوع ..

الله يـرحمهــا ..

ويـرحم جميع أمـواتنــا ...

تحيــاتـي,,,

**& ^^ قصيده ابكت من لايبكي **&^

& ^^ قصيده ابكت من لايبكي &^